Manuel Pombo Arias
  | |
| Biografía | |
|---|---|
| Nacemento | 1 de maio de 1943 (81 anos) A Pena, España |
| Educación | Universidade de Santiago de Compostela |
| Actividade | |
| Ocupación | médico, escritor |
| Familia | |
| Fillos | Alejandra Pombo |
  | |
Manuel Arturo Pombo Arias, nado na Pena (Sarria) o 1 de maio de 1943, é un médico e escritor galego.
Traxectoria
[editar | editar a fonte]Doutor en Medicina e Cirurxía pola Universidade de Santiago de Compostela (1968). Especialista en pediatría e en endocrinoloxía e nutrición. Ampliou estudos en centros españois e estranxeiros. Profesor visitante no Hospital de Nenos de Columbus, Ohio (Estados Unidos) e no Instituto Nacional da Saúde dos Estados Unidos, Bethesda.
Catedrático de Pediatría (1993). Foi Xefe de Servizo de Pediatría e Director da Unidade de Endocrinoloxía Pediátrica, Crecemento e Adolescencia do Hospital Clínico Universitario de Santiago de Compostela. Foi Director do Departamento de Pediatría da USC. Na actualidade é profesor Ad Honorem desta Universidade.
É autor dun Tratado de Endocrinoloxía Pediátrica de ampla difusión internacional. Publicou trescentos traballos científicos, a maioría nas revistas máis importantes a nivel internacional. Entre eles cabe destacar dous nos que se identifican novas entidades sindrómicas en patoloxía humana.[1][2] É autor de case cen capítulos en libros de medicina. Pronunciou máis de duascentas conferencias.
Acuñou o termo "codipra", no que se engloban as principais calidades que debe reunir un bo estudante de Medicina e co que trata de fomentar o espírito crítico entre os futuros médicos que se forman na USC: coñecedor (c), observador (o), desconfiado (d), inglés (i) e práctica (pra).
Desenvolveu a súa afección pola literatura a partir do maio do 68, con implicacións no movemento estudantil da época que estiveron a piques de custarlle a carreira. Foi o responsable e presentador do mítico Concerto de Voces Ceibes celebrado na Facultade de Medicina o 26 de abril de 1968. É autor dunha variada obra literaria, que abarca libros de poesía, pensamento e relatos. Colaborou ocasionalmente na prensa.
Obras
[editar | editar a fonte]Medicina
[editar | editar a fonte]- Manual de Pediatría Práctica Arquivado 14 de xaneiro de 2021 en Wayback Machine. (1985, 1986, 1992, Díaz de Santos)
- Two Decades of Experience in Growth (1993, Raven Press)
- Tratado de Endocrinología Pediátrica 1ª edición (1990, Díaz de Santos)
- Tratado de Endocrinología Pediátrica 2ª edición Arquivado 14 de xaneiro de 2021 en Wayback Machine. (1997, Díaz de Santos)
- Tratado de Endocrinología Pediátrica 3ª edición (2001, McGraw-Hill Interamericana)
- Tratado de Endocrinología Pediátrica 4ª edición. (e-book)[Ligazón morta] (2009, McGraw-Hill Interamericana). Ver índice
Literatura
[editar | editar a fonte]En castelán
[editar | editar a fonte]- Haikus de los escritores muertos (2001, Antonio Lenguas)
- Pomberías (2003, Calima Ediciones)
- El centeno nace bajo el invierno (2005, Huerga y Fierro Editores)
- Trazos sin rumbo (2006, Huerga y Fierro Editores)
- Nuevas Pomberías (2008, Huerga y Fierro Editores)
- Cuentos Propios y Extraños (2011, Ézaro Ediciones)
- El hombre que no entendía a las mujeres (2016, Ézaro Ediciones)
En galego
[editar | editar a fonte]- Desvendado (2020). Vigo: Editorial Galaxia. 464 páxs. ISBN 978-84-9151-576-0. Narrativa.
- A miña terra é un vello falar (2022). Vigo: Galaxia. 140 páxs. ISBN 978-84-9151-844-0. Poesía.
Recoñecementos
[editar | editar a fonte]- Membro fundador e socio de honra da Sociedade Española de Endocrinoloxía Pediátrica, que presidiu de 1982 a 1984.
- Foi vicepresidente da Asociación Española de Pediatría, da que é socio de honra.
- Socio de Honra e Insignia de Ouro da Sociedade de Pediatría de Galicia.
- Foi nomeado "Galego do Ano" en 2014 polo Grupo El Correo Gallego.
Notas
[editar | editar a fonte]- ↑ Sindrome familiar de microcefalia con albinismo oculocutáneo y anomalías digitales. An Esp Pediat 19: 128-131, 1983
- ↑ HYPOCHONDROPLASIA AND ACANTHOSIS NIGRICANS: A NEW SYNDROME DUE TO THE p.Lys650Thr MUTATION IN THE FGFR3 GENE? Eur J Endocrinol 159:243-249,2008.
Véxase tamén
[editar | editar a fonte] |
Wikimedia Commons ten máis contidos multimedia na categoría: Manuel Pombo Arias  |
Bibliografía
[editar | editar a fonte]- Barrera, F., ed. (2002). Gallegos. Quién es quien en la Galicia del siglo XXI. El Correo Gallego. ISBN 84-8064-113-4.
Ligazóns externas
[editar | editar a fonte]- Unidad de Endocrinología Pediátrica, Crecimiento y Adolescencia
- Artigos científicos de Manuel Pombo devoltos por unha busca en PubMed
- Páxina persoal
- Retazos de la pediatría gallega. Cuadernos de Historia de la Pediatría Gallega de la AEP. Número 13 - febreiro 2017
- Biografía de Manuel Pombo Arias (USC) Arquivado 14 de xaneiro de 2021 en Wayback Machine.
- Ficha en Editorial Galaxia Arquivado 13 de xaneiro de 2021 en Wayback Machine.
